لماذا بقي سيدنا موسى أربعين عاماً تائهاً في الصحراء ؟؟ لانه رفض أن يسأل عن الطريق
-
التصنيفات
- التصنيفات
-
الأرشيف
حط كلب يحرس دارك و حط قط ينطر فارك ولا تحط مرتك قدامك و تحكيلها أسرارك
هي تقول : ؟؟؟
هلء سمعنا الزوج العزيز شو حكى، اجا دورنا نحكي. احمممم
هلء انا الصراحة كنت متخيلة (وكل البنات هيك حتى لو قالو العكس) انو لمن لح اتجوز لح كون اميرة ببيتي…….. سندريلا بكل معنى الكلمة …. طول اليوم لابسة هالكندرة الكريستال وعم بتفتل انا وعم بلعب بخصل شعري الشقرة المسشورة، وجوزي قاعد ناحي ماسك بايدي وعم يطلع بعيوني. بس ما تخيلت هالكندرة الكريستال لح تقلب شحاطة نايلون للشطف وانو لح تمر علي ايام لح انسى فيها مشط شعري. وانو جوزي ما لح شوفو الا بالمناسبات اللي لح يكون جاية فيها على حامل على كتفو ترس عفواً قصدي بطيخة طول الطريق عم يدعي فيها “يا رب تطلع حمرة”!!!!!!!!!!!!
هلء المرة عم تلعب دور انها تنسي جوزها يقلها حكي حلو احياناً، هدا شي مفروغ منو …..
بس الوقت متل ما قلت عم يسرق العالم وانا مقدرة هالشي، يعني لما بكون يا دوبها ملحقة الطبخة ولساتها بتياب الشغل وعم تفكر وتدعي انو “يا رب السرفيس اللي راكبو جوزي يبنشر مشان لحق غير تيابي ومشط شعري وبخلي شي رشة برفان” بكون وقتها المرة فهمانة قصدك تمام. بس هي مو حجة تحطوها. كلياتنا ميت قلبنا من الشغل والعالم واننا مضطرين نضحك بوش هاد ونبتسم لهداك لدرجة انو صارت الضحكة مرسومة تاتو على وشنا غصبن عنها بس بضلها المرة حنونة وحكيها حلو، ليش؟؟؟؟؟؟اشمعن يعني؟؟؟؟؟؟؟ نحنا ما عم نطلب منك ترجع من الشغل تمسك ايد مرتك وتحملها من عالباب وتقلها اشتقتلك حياتي متل الافلام المكسيكية! ونحنا ما بدنا الرجال طول مانو قاعد ما ورا شغلة غير حبي وعمري، وروحي وتكفنيني وتقبشيني وتشكلي آسي، ابداً. ولا بدنا ياه يكون متل دكتور فل، ساحب ايد مرتو واخدها معو عهالشغل سري مري وعم يمدح فيها، نحنا مو هاد طلبنا، يعني بنعرف الرجال بكون راجع عالبيت كرهان حالو ، بس كمان المرة يعني اللي ما بتكون عم تشتغل بتكون قرفانة عيشتا بالبيت من الولاد هي كمان ، وهي التانية بتكون مانها طايقة حالها. خليني اضربلكن مثال: المرة ما بدها لما تخلص الطبخة يقلها جوزها هاتي اناملك لبوسن تقبريني شو طيب الاكل ابدا، المرة بدها واحد يقلها يسلمو ايديكي والله طيبين، واذا ما بدو يقول هالكلمتين فعلى القليلي ما يقلها: طيبين هالاكلات شو امي باعتتلنا طبخ!!! فهمت علي؟
يعني لازم يكون في لحظة من اليوم حتى لو خمس دقايق او يوم بالسبوع يكون الزوجين برات دائرة الملل والهم هدا…..يقعدوا فيها التنين مع بعض، ينسو الدنيا كلا ويكبوها ورا ضهرن ويحكو فيها مع بعض، يعني انت لما قلت انو لما بنفضى بنحكي عن العيلة هدا مو غلط، انا احلى وقت عندي لما بقعد مع جوزي وبنحكي عن مشاريعنا ومستقبلنا، بس الصح الصيغة اللي بينقال فيها هالحكي. يعني الرجال بيضحك وبقول انو المرة عقلها قليل وبتحب ينضحك على عقلها بكلمتين حلوين…….طيب ليش الرجال مانو اذكية كفاية انو يستغلو هالنقطة لصالحن ويكسبونا؟؟؟؟؟؟؟ انا من جهتي لما بقلي جوزي شو طابخة، بقوم بسخنلو الاكل، عادي يعني، بس لما بقلي عمري ميت من الجوع، بصير بركد ركيد حتى جهزلو الغدا. يعني طلبنا مو الكلمة بحد ذاتها وايمتى ما كان بس الكلمة الحلوة تطلع بوقتها مو غلط أبداً. فاكسبونا وحاكونا حكي حلو.
ليش انا لازم تكون اولويتي جوزي، وجوزي بتكون اولويتو شغلو؟؟؟؟ لازم تنيناتنا تكون اولوياتنا العيلة اولاً.
ليش ممنوع دق لجوزي بقلب النهار لاني مشتاقة اسمع صوتو؟؟؟؟؟؟ ليش تحديد المكالمات معو بعدد معين مع تفضيل إلغاءها؟؟؟؟؟؟
يعني لما بنحس انو كلمة حبيبتي صارت ما تطلع الا تقيلة فالجو بالبيت اكيد مكهرب وصار لازم نقدر انو الوقت صار مناسب ناخد إجازة ونبعد عن المشاكل. بس نحنا حتى ما عاد عنا وقت نحل مشاكلنا مع تفاهتها. شو قولك بيعطونا اجازة؟؟؟؟؟؟؟؟
القسم الثاني من تألف الزميله ( دارين أكريم شلبي )
7/8/2006
الزواج : ربما لا يكون هو البداية ولكن هو الرباط الرسمي الذي تبدأ بعده السنوات في الحسبان
هو يقول :
الحب : أين يذهب ؟ يبدأ الشاب والفتاة التخطيط للمستقبل وكأنه أمام أعينهم، بالبسمات والاستقرار و الحب و المودة،
تتوالا الوعود ( حبيبي شو بحبك كتير أنا ) هي تقول ( وأنا كمان حبيبتي مافيني عيش بدونك ) هو يجيب
لاتتوقف عبارات الغزل بين الخطيبين في غالب العلاقات و تكبر وتكبر وتصل لمرحلة تنقل الخطيبين لعالم من الوهم والحب .
يتم الزواج، فرحة الأهل والأصدقاء، الفتاة تحقق أحدى أمنياتها، الشاب يدرك أنه قام بأصعب خيار له على الإطلاق، ولو كانت هذا الأمر على جهاز البلاي ستيشن لفضل ضغط الزر الخاص ب : Pause أو Cancel أو ربما Start New Game
أول يوم .. تاني يوم .. تمر الأيام مسرعة بعد ذلك …… ما الذي تغير ؟
فجأة تختفي كلمات الغزل والعشق بشكل متدرج حتى تصحو بيوم من الأيام لتجد أنك لم تقل لزوجتك حبيبتي كما العادة بل تلجأ للمخاطبة المباشرة الفرق يبدأ هنا .
الزوج لم يشعر بهذا النقص .
الزوجة تبدأ بشعور غريب ( زوجي لم يعد يحبني كالسابق ) .
هل فعلاً هذا صحيح أين ذهب هذا الحب ؟
جوابي سيكون من منطلق رجولي بحت ………
الحب لايذهب ولا يفنى ولا يتبخر كما المادة تمامً ، ولكن الأولويات تتغير ، قبل الزواج تكون الفتاة هي الشيئ الجميل بالحياة الذي ينتظره الشاب بفارغ الصبر، ولكن الآن هي معه يستطيع الكلام معها عندما يريد يستطيع رؤيتها كل يوم
يبدأ بشغل بال الزوج أمور أهم من هاتف يتصل به لزوجته ليطمئن عنها ليتفاجئ عند عودته بأنة لم يحضر الخبز واللبن لأنه نسي الاتصال بزوجته كما هي العادة
تتمسك الزوجة بالرومانسية بينما يتحول الشاب للواقعية يصبح أكثر عملية ،
( كلمة حبيبتي شو رح تفرق ما أنا بحبها ولو ما بحبها ما كنا تزوجنا شو بدي ضل قلها بحبك على الطالعة والنازلة والله ما بيصير للكلمة معنى بعدين ) هو يفكر
الزوجة ممممم بحالة ترقب ( لشوف أمتى بدو يزوق على دمو ويحاكيني شي كلمة حلوة لك العمى على هالحالة برا البيت مابيفوت لسانو لحلقو و بيضحك مع هي وبيتظارف مع هي و بيخدم هي وبس تصل الشغلة إلي انا بيقلب بوزو وبيبطل يحكي شي ) في سرها أيضاً
صحيح ماهو السر الذي يجعل الزوج يصاب بخرس مؤقت داخل المنزل ؟
يصل للبيت أف شووب عطيني مي جاهز الغدا ؟ ويجلس ليتابع أحد البرامج على التلفزيون
( حبيبي كيف اليوم كان معك شو عملت كيف كان نهارك ) تسأله
( ففففف شوب وشغل وتعب مافي شي متل كل يوم ) يرد بعبوس واقتضاب
ويسود السكون لفترة لا أدري كم تطول ولكن في النهاية يبدأ الزوجان بحديث أظنه عن حاجات البيت و مشاريع الأسرة لليوم التالي .
السر يكمن من وجهة نظري الذكورية طبعاً :
يقضي الرجل من 8إلى 12 ساعة خارج البيت بالعمل، و لا يكف عن الكلام و المجاملة ومع نهاية النهار يكون المخزون قد بدا ينفذ و ينتهي عند وصوله للبيت و رؤية زوجته ، على اعتبار أنها ليست بحاجة دائماً للتأكيد عن الاشتياق والحب ونظرة بتكفي عن 100 كلمة يعني معقول أقلب وشي بفلانة اشو بدها تقول عني لئيم ؟ يالله مرتي بتتحمل اساساً هي بتعرف أديش بحبها ؟
بس بتضل الزوجة تسأل ؟ ليش جوزي مع كل البنات ظريف إلا معي ؟
بالبيت دبور وبرا شحرور ؟ سؤال وجيه
بغض النظر عن صحة هي التصرفات أو لاء فهي غالباً ما تحدث، ولكن بالنهاية الحب موجود ولكن يحتاج لتحريك بين الحين والأخر لكي لا يبقى راكد كما الماء .
تختلف روايات هاذا الحديث ( المثل ) لذالك سأكتب الطبعة الأحدث.
يحكى أن تاجراً من قديم الأزمان كثير السفر عاد بشكل مفاجئ إلى منزله فوجد زوجته تخونه مع شخص أخر وعند دخوله هرب الرجل عن طريق مستودع الحبوب بتجاه الأزقه و عندما فشل التاجر من اللحاق به وعاد منزله كان الجيران يسألونه عن سبب هذه المطاردة فيخبرهم بأن الرجل قد سرق من مخزنه كف من العدس.
ومن هنا ذهبت يلي بيعرف بيعرف ويلي مابيعرف بيقول كف عدس ….
وقع حريق كبير في أحدى حمامات النساء في العهد العثماني فختلف النساء بين أمرين
الهروب او البقاء داخل الحمام لحين انتهاء الحريق
فرفضت بعضهن البقاء و خرجن عاريات الى الطرقات
ومن بقي منهن داخل الحمام مات.
يصبح الرجل أصلع عندما يهرب شعره من أفكاره الشريره
في طرفه سمعتها منذ ثلاث سنوات تحكي عن حال سكان المدن الأوربيه و خصوصا لندن في فصل الصيف حيث يكثر السياح من جميع الجنسيات و العربية من أكثرهم يحاول رجل أنكليزي سؤال شخص مار بالشارع عن معلومة فيبدأ بسؤاله : ؟ did you speak english
هذا هو الحال في رمضان معي هذا العام السؤال الأول ليش صايم ؟؟؟
لاتتزوج واذا تزوجت لاتجيب ولاد واذا جبت ولاد لاتجيب توم واذا جبت توم لاتجيب واحد تالت وراهم واذا جبت واحد
تالت وراهم لاتزعل على حالك لانك خالفت أول وصيه
كان يامكان بقديم الزمان كان في راعي عم يرعى الغنمات و طلع لمكان بعيد وهنن الغنمات عم يرعو ( صحة على قلبن ) نام الراعي شوي ( نوم العوافي ) صحي الراعي فلقي صار الوقت ليل شعل هالراعي شوية نار مشان يتدفى و يتونس شوي بعد فترة صغيرة طفيت النار و عتمت الدنيا
بهي اللحظة أجى 4 ضباع على الراعي فهاد الراعي خاف و أرتعب ماعرف شو بدو يعمل ومان بأيدو غير الربابه ففكر يعزف للضباع وفعلا بدأ بالعزف ألحان حلوة ولما سمعت الضباع هي الألحان وقفت بارضها وصارت تستمتع بالعزف الحلو وهون أرتاح الراعي وكمل عزف وفجأة بيجي ضبع من بعيد راكض بينط فوق رفقاتو الضباع وعلى الراعي بياكلو فبيقوم زعيم اضباع ال4 يلي كان وبيقول والله عرفت أنو الضبع الأطرش بدو يجي ويخرب علينا السهرة اليوم
